கபட நாடக வேடதாரி, தமிழின கருங்காலி கருணாநிதி

தமிழத்தின் சகுனி, சனி இரண்டிற்கும் நாம் ஒரு உருவத்தை கற்பனை செய்து
பார்க்க வேண்டுமென்று விரும்பினால் அதிகசிரத்தை எடுக்கவேண்டிய
அவசியமில்லை. கருணாநிதியின் உருவத்தை நினைவு கூர்ந்தாலே போதும்,
அப்படிப்பட்ட குள்ளுகபட்டன் அவன். தமிழனத்தின் சாபக்கேடு அவனை ஒரு
கூட்டம் தமிழனத்தின் தலைவன் என்று தூக்கி சுமக்கிறது.அவன் இரண்டு
குடும்பங்களுக்கு தலைவன் என்பதை தாண்டி வேறு ஒன்றும் செய்வது இல்லை
என்பதுதான் உண்மை. அப்படி அவன் ஏதாவது செய்து இருப்பதாக யாராவது சொன்னால்
நான் கேட்கும் முதல் கேள்வி ஆசியாவிலேயே முதல் இருபது பணக்காரர்கள்
வரிசையில் தன் குடும்பத்தை உயர்த்திய கருணாநிதி தமிழனத்தை இன்றும்
இலவசங்களுக்கு கையேந்துபவர்களாக வைத்து இருப்பது ஏன்? இவன் கிடக்கிறான்
ஏதோ ஏமாளி தமிழக தமிழர்களை பிழைப்புவாதத்திற்காக ஏதோ வாய்க்கு வந்தபடி
பேசிவிட்டு ஆட்சி செய்கிறான் என்று ஒதுக்கி தள்ளுவது இனியும் கூடாது
என்றே நினைக்கிறேன். ஏனென்றால் அவனது சமீபத்திய ஈழக்கரிசனை அறிக்கையானது
ஆட்டை கடித்து மாட்டைக்கடித்து கடைசியில் மனிதனைக் கடித்ததுபோல்
இருக்கிறது. அவனுக்கும் அவனது பரிவாரங்களுக்கும் நான் ஒரு சில கேள்விகளை
கேட்டு ஆகவேண்டும்.

சிங்கள இனவெறி அரசு ஏ-9 பாதையை மூடி ஈழத்தமிழர்களுக்கு உணவு மருந்து
தடையை ஏற்படுத்தியபோது தமிழ் ஈழவிடுதலை ஆதரவாளர்கள் ஒருங்கிணைப்புகுழு
சார்பாக பல போராட்டங்கள் முன்னெடுக்கப்பட்டன. அய்யா பழநெடுமாறன்
தலைமையில் பலகோடி மதிப்புள்ள மருந்து பொருட்கள் திரட்டப்பட்டன. சர்வதேச
செஞ்சிலுவை சங்கம் கொடுத்த ஒப்புதலைக்கொண்டே இவ்வளவும் திரட்டப்பட்டது.
ஆனால் என்ன நடந்தது கருணாநிதி அங்கம் வகித்த மத்திய அரசு சர்வதேச
செஞ்சிலுவை சங்கத்தின் அனுமதியையும் மீறி அனுப்பவிடாமல் தடுத்து
நிறுத்தியது.தனது மருமகனை தனி விமானத்தில் ஏற்றி அமெரிக்காவரை சென்று
மருத்துவம் பார்த்தாயே.என் மக்களுக்கு மருந்து கிடைக்காது
தடைசெய்துவிட்டு சிங்களவன் போரை தொடங்கினானே அப்போது தமிழின தலைவரே எங்கே
சென்றிருந்தாய்? அப்போதும் வெகுண்டெழுந்து தமிழ் தேசிய அமைப்பினர்
போராட்டம் நடத்தினார்கள். அந்த நேரத்தில் இந்த கருணாநிதி என்ன செய்தார்
தெரியுமா தோழர்களே! படகில் உணவு மற்றும் மருந்து பொருட்களை நாங்களே ஏற்றி
எடுத்து செல்வோம் என்று அய்யா பழநெடுமாறன் தலைமையில் தமிழ்தேச
பொதுவுடமைக்கட்சி, தமிழர்கழகம்,தமிழ்தேசிய விடுதலை இயக்கம் போன்ற
அமைப்புகளால் நடத்தப்பட்டது, அன்று ஒரு படகு ஓட்டுபவரை கூட கடலுக்குள்
அனுமதிக்கவில்லை இந்த கருணாநி. கடற்கரை வரை வந்த காவல்துறையினர்
போராட்டகுழு கடற்கரையை அடைந்ததும் காணமல் போனார்கள். இது ஒரு
அடையாளப்பூர்வமான போராட்டம். ஒன்று படகு ஓட்டுபவர்களை அனுமதித்து இருக்க
வேண்டும் அல்லது போராட்டம் நடத்தியவர்களை கைது செய்து இருக்குவேண்டும்.
இரண்டும் இல்லாமல் அவமானப்படுத்தியவன் தான் இந்த இனதுரோகி கருணாநிதி.

இதை தொடர்ந்து அய்யா பழநெடுமாறன் அவர்கள் சாகும்வரை உண்ணாவிரதம்
இருந்தார்.அவர் உண்ணாவிரதம் இருந்த தனியார் இடத்தில் பந்தல் போடவிடாமல்
காலித்தனம் செய்தது கருணாநிதி வளர்ப்பு நாய்களான காவல்துறை. இதுதான்
கருணாநிதியின் உண்மையான முகம்.

இதே காலத்தில் தமிழ்தேசிய கூட்டமைப்பு நாடாளுமன்ற உறுப்பினர்கள் இந்திய
பிரதமரை சந்தித்து மக்களின் அவலத்தை எடுத்துசொல்லி உதவிகேட்டு தவமாய்
தவமிருந்தும் தமிழின தலைவரே நீ உதவவில்லையே. மூன்று மாதம்
காத்துகிடந்தார்களே! அவர்கள் என்ன உனக்கு பிடிக்காத புலிகளா? ,மக்களால்
தேர்ந்தெடுக்கப்பட்ட தலைவர்கள் தானே! அப்போது நீ என்ன செய்து கிளித்தாய்?

செஞ்சோலை சிறுவர்கள் இல்லத்தின்மீது குண்டுபோட்டு 67பிஞ்சுகளை கொன்றானே
சிங்களவன் அப்போதாவது நீ இந்திய அரசை வற்புறுத்தி ஆயுதம் கொடுக்காதே
என்று சொன்னது உண்டா?

உனக்கு தெரியாமல் சிங்களவன் கோயமுத்தூரில் வந்து இராணுவ பயிற்ச்சி
எடுத்தானே? அதுவும் தெரியாதென்றால் நீ பேசிய உன் சுயமரியாதை எந்த
வீட்டில் தூங்கிக் கொண்டிருந்தது? சகோதரயுத்தம் கூடாது என்று தாம்
கூறிவருவதாக பேசிய கருணாநிதி உன் கட்சிக்குள்ளேயே எத்தனையோ தலைவர்களை உன்
கட்சிக்காரன் கொன்று இருக்கிறான், உன் உள்கட்சிக்குள் நடக்கும் சகோதர
சண்டைக்கு என்ன பதில்? அது கிடக்கட்டும் உன்னோட மதுரை மடாதிபதி உன் மகன்
தினகரன் அலுவலகத்தை தீவைத்து கொளுத்தினானே அதுக்கு என்ன பெயர்? துரோகிகளை
ஒழித்துக்கட்டுவது சகோதர யுத்தம்மல்ல. உனக்கு தெரிந்த நாளில் இருந்து நீ
உனது மாநாடுகளில் இயற்றுகின்ற தீர்மானம் ஒன்று கட்சத்தீவை மீட்போம்,
அடுத்தது சேதுசமுத்திர திட்டத்தை நிறைவேற்றுவோம். நீ 20வருடங்களாக
நாற்காலி தேய்த்தும் இது இரண்டிலும் ஒரு அங்குலமாவது முன்னேறி
இருக்கிறாயா?

ஆதாரபூர்வமாக 400தமிழக மீனவர்களை கொன்ற சிங்களவனுக்கு தமிழக முதல்வராக
இருந்து நீ சொன்ன பதில் என்ன? வெள்ளைக்காரன் நாடுகளில் கூட குடியுறிமை
பெற்று சகவாழ்வு வாழ்கிறார்கள் தமிழர்கள்.ஆனால் தாய்தமிழகம் என்று இங்கு
வந்த ஈழத்தமிழர்களை அகதிகளாக்கி காலை மாலை இரண்டுமுறை கையொப்பம்
போடவைத்து அவர்களையும் கைதிகளாக்கி வைத்து இருக்கிறாய். உனக்கு அந்த
விடுதலையை பற்றி பேச என்ன அருகதை இருக்கிறது? இந்திய சிங்கள அரசுகள்
கூட்டு ரோந்துக்கு ஒத்துக்கொண்டு மறுநாள் மறுத்து அறிக்கைவிட்டவன் நீ.
தமிழர்களை அகதிகளாக கூட ஈழமணிலிருந்து இங்கு வரவிடாமல் தடுத்த படுபாவி நீ
என்பது எல்லாருக்கும் தெரியும்.

ஈழமக்களுக்கு ஆதரவாக போராட்டம் நடத்த அய்ரோப்பிய, ஆப்பிரிக்க நாடுகள்
கூட அனுமதி கொடுத்தது. ஆனால் நீ எந்த ஒரு ஆதரவு போராட்டமும் நடந்த
அனுமதிக்கவில்லை.ஈழத்தமிழனமே அதன் ஈழம்தான் எங்களின் விடிவுக்கு ஒரே
தீர்வு என்று ஒன்றாய் நின்றதே! நீ இந்திய மத்திய அரசின் கொள்கைத்தான் என்
கொள்கையும் என்று காங்கிரஸ்காரி சோனியாவின் சேலை முந்தானையை
பிடித்துக்கொண்டு திரிந்தாயே! அர்பணிப்பு நிறைந்த ஈழவிடுதலைப்புலிகளை
பற்றி பேச உனக்கு என்ன அருகதை இருக்கிறது. ஒருமணி நேரம் உண்ணாவிரதம்
நடத்தி உலகசாதனை புரிந்தவன் என்பதை தமிழ்கூறும் நல்லுலகம் நன்கு அறியும்.
அந்த நிகழ்வே நீ பெரிய கூத்தாடி, கோமாளி, வேடிக்கைகாரன் என்பதை தமிழ்
உலகம் புரிந்துகொண்டது.

நான்காம் கட்ட விடுதலைப்போரின் இறுதிநாட்களில் பல ஆயிரம் மக்கள்
இறந்தார்களே, உயிரோடு இருந்தவர்களையும் புல்டோசர் இயந்திரம் கொண்டு
எல்லாரையும் புதைக்குழியில் போட்டு மூடினான் இனவெறியன் சிங்களவன். அதை
கண்டுமா நீ இன்னும் உள்ளுக்குள் அழுதுகொண்டு இருக்கிறாய்! போதும் உன்
நாடகம். அந்த இறுதி நாட்களில் தமிழினமே சோகத்தில் கிடந்தபோது நீ உன்
மகன்,மகள்,பேரனுக்கும் மந்திரிபதவி வாங்கிகொடுத்து எல்லாருக்கும் இனிப்பு
கொடுத்து விழாவாய் கொண்டாடினாய். இது செத்தவீட்டில் திருமணம் செய்வதற்கு
சமம். இந்த ஒரு நிகழ்வு போதும் நீ எப்படிப்பட்ட கயவன் என்பதற்கு.

தமிழர்கள் அடைத்து வைக்கப்பட்டுள்ள வதை முகாம்களுக்கு எந்த ஒரு
செய்தியாளார்களையும் அனுமதிக்காக்த ராசபக்சே கருணாநிதி மீது மட்டும்
நம்பிக்கை வைத்து அவனது போலி நாடாளுமன்ற குழுவை அனுமதித்தான் என்றால்
பாருங்கள் கருணாநிதியின் கபட நாடகம் நன்றாக விளங்கும்.

தமிழர்களே தமிழனத்திற்கு எதோ தீங்கு ஒன்று கருணாநிதியால் வரப்போகிறது.
அதன் வெளிப்பாடுதான் ரணிலுக்கு வாக்களித்து இருந்தால் அழிவு இருந்து
இருக்காது என்றும் கூறுகிறான். அதுமட்டுமல்ல ஏற்கனவே பிரபாகரன் இரந்தால்
நான் வருத்தப்படுவேன் என்று NTDV பேட்டியில் சொன்னான். அதன் பிறகுதான்
ஈழத்தில் பேரழிவு நடந்தது. இப்போது உள்ளுக்குள் அழுவதாக சொல்கிறான்.
இதற்குள்ளும் ஏதோ ஒரு சூழ்ச்சி திட்டம் இருக்கும். கருணாநிதியின் இன்னும்
ஒரு முக்கிய சாதனையை நான் சொல்லி ஆகவேண்டும்.

மாவீரன் முத்துக்குமார் அவர்களுக்கு சட்டமன்றத்தில் இரங்கல் தீர்மானம்
வாசித்துவிட்டு அதையே திரும்பப்பெற்று சாதனை புரிந்த சகுனி தமிழத்தை
பிடித்த சனியன். கருணாநிதி இது போன்ற போலித்தலைவர்களையும்,துரோகிகளையும்
நாம் இனம் கண்டு புறக்கனிப்போம். அறம் காத்த அந்நாள் போகட்டும்.இனம்
இனம்தான் வேண்டும். எதிரி எவ்வகையில் வந்தாலும் எதிர்த்து
ஒழித்துக்கட்டுவோம்.

தமிழர்களே!
தமிழ்தேசியம் நம் பிறப்புரிமை!
அதை வெல்ல சூளுரைப்போம்...
நம்புங்கள் தமிழ் ஈழம் நாளை மலரும்.

தோழர்சிவா

இருக்கிறான் தலைவன் பிரபாகரன் நீ நம்படா நம்பு!

இருக்கிறான் தலைவன்
பிரபாகரன்
நீ நம்படா நம்பு!

ஈழத் தமிழினம் வாழப்
போர்க்களம் கிளம்படா கிளம்பு!

தன் மானத் தமிழரின்
தலைமையில் போர் தொடக்கு!

சிங்கள வெறியன்
திமிர் அடக்கு!

ஈழம் தமிழர்கள் தாய்மண்
இல்லையாம் மகிந்தா குதிக்கிறான்!

இறந்து விழுந்த நம் தமிழர்
பிணங்களை காலால் மிதிக்கிறான்!

காலம் அழைக்குது!
ஈழம் அழைக்குது!
கடலைத் தாண்டுவோம்!

களத்திலே ஈழ நிலத்திலே
நாமும் நெருப்பைத் தூண்டுவோம்!

சிறுத்தை படை ஈழப் புலிகள் படை
இரண்டும் ஒன்றுதான் கிளம்பு!

சினந்து புயல் நெஞ்சில் சுமந்து
கிளம்படா!சிதறட்டும் கொழும்பு!

வெறுத்து வாடா உன் உயிரை
நெஞ்சிலே புயலைத் தூக்குவோம்!

வெறியர் சிங்களர் கொடியர்
சூழ்ச்சிகள் சிதறத் தாக்குவோம்!

உலகில் என்றைக்கும் புலிகள்
ஓய்ந்ததாய் வரலாறில்லையே!

உறுமி எழும்கடல்
அலைகள் ஓயுமா?
இல்லை!
இல்லையே!

கலகம் இல்லாமல்
உலகம் திருந்தாது!

களப்போர் ஆடுவோம்!
கயவர் சிங்களர் படையை
வென்று நாம் வாகை சூடுவோம்!

-காசி ஆனந்தன்

மாவீரன் முத்துக்குமார்!!

நீங்கள் பெரிதும் மதிக்கக் கூடிய பத்து தமிழர்களை பட்டியலிட்டால் அதில் ஒரு இடத்தை நீங்கள் ஈழத் தமிழர்களுக்காக தீக்குளித்த தியாகி முத்துக்குமாருக்கு கொடுப்பீர்களா? ஆமாம் சில நாட்களாகவே முத்துக்குமாரின் நினவுகள் ஏனோ என்னுள் அலைமோதியபடி இருந்தது. அவன் ஒரு சிறந்த லே.அவுட் ஆர்ட்டிஸ்ட். நன்கு எழுதத் தெரிந்த பத்திரிகையாளன்.
உலக சினிமாக்களை விரும்பிப் பார்த்து வந்த இளைஞன். நம் எல்லோரையும் போலவே அரசியல் வாதிகள் மீது கடும் விருப்பு கொண்டவன். எதுவுமே செய்ய முடியவில்லை. நாம் இறந்தாவது இந்த இனத்தைப் போராடத்துண்டுவோமா? என்று தன் உயிரை ஈந்தவன்.
தமிழக நிதி அமைச்சர் அன்பழகன் அதை தற்கொலை என்றார். ஸ்டாலின் இளைஞர்கள் தற்கொலை செய்து கொள்ளக் கூடாது என்று அறிவுரை வழங்கினார். ஆனால் அப்படி ஒன்றும் அவன் உணர்ச்சி வசப்பட்டு காதல் தோல்வியிலோ, வறுமையிலோ தற்கொலை செய்து கொள்ளவில்லை. உடலை போராளிகள் ஆயுதமாக்கியது போல அவனும் தன் உடலை ஆயுதமாக்கியவன். உணர்ச்சி வசப்பட்டு சாகிற ஒருவன் அவனது மரணசாசனத்தைப் போன்றதொரு பிரதியை எழுத வாய்ப்பில்லை. சிங்கள காதல் ஜோடிகளையும் காப்பாற்றக் கோருகிற அக்கடிதம் துவங்குவதே அன்பான உழைக்கும் மக்களே என்றுதான். ஆனாலும் அக்கடிதத்தில் சில அரசியல் பிழைகள் நமக்கு இருந்தாலும் இந்த நூற்றாண்டில் தமிழர்களின் அரசியல் நினைவுகளில் மிகச் சிறந்த ஆவணமாகவும் நினைவாகவும் பதிய வேண்டிய பல விஷயங்கள் அதில் உண்டு.

சென்னை பாஸ்போர்ட் அலுவலகத்தில் அவன் தன்னைத்தானே எரித்துக் கொண்ட அந்த கணத்தில் அவனிடமிருந்து கைப்பற்றப்பட்ட பாதி எரிந்த கடிதம் ஒன்று இன்னமும் என்னிடம் இருக்கிறது. அதில் முத்துக்குமாரின் வாசனை இருப்பதாக நான் நம்புகிறேன். அவனை எரித்த நெருப்பை ஒரு நினைவாகவேனும் நான் வைத்திருக்கிறேன். அது எவளவு பெரிய ஊர்வலம். பிரமாண்டமான ஊர்வலங்களை நான் கண்டிருக்கிறேன். பெரிய அரசியல் கட்சிகள், பண பத்தோடு பிரியாணியும், பணமும் கொடுத்து மாநாடும் பேரணியும் நடத்துவார்கள். ஆனால் முத்துக்குமாருக்கு திரண்டது தன்னெழுச்சியான கூட்டம். அவன் உடல் வைக்கப்பட்டிருந்த அந்த இரண்டு நாளும் அங்கேதான் இருந்தோம் மரணம் ஒரு எழுச்சித் திருவிழாவாக நடந்தது அங்குதான் தோழர்கள் நாடகம் நிகழ்த்தினார்கள். புரட்சிகர பாடல்களைப் பாடினார்கள். சிலர் ஓவியம் வரைந்தார்கள். கண் தெரியாத கலைஞர்கள் சிலர் வந்து சில நிமிடம் புல்லாங்குழல் இசைத்து அஞ்சலி செலுத்தினார்கள். முதிய தாய்கள் அவர்கள் அறியாத அந்த முகத்துக்காக ஒப்பாரிப் பாடினார்கள். அரசியல் வாதிகள் அங்கே நாடகம் ஆடினார்கள். திமுகவின் பாபு என்ற எம்.எல்.ஏ அங்கு தன் பரிவாரங்களோடு வந்த போது கோபமடைந்த இளைஞர்கள் அவர் மீது கற்களை விட்டு அடித்தார்கள். அவர் தப்பி ஓடினார். பழி வைகோ மீது விழுந்தது ஆனால் வைகோவிற்கும் மதிமுகவிற்கும் அத்தாக்குதலுக்கும் எந்த தொடர்பும் இல்லை. ஒன்றிலோ முத்துக்குமாரின் தியாகத்தை மதித்திருக்க வேண்டும். அல்லது மௌனமாகவாவது இருக்க வேண்டும். அதை தற்கொலை என்று சொல்லி விட்டு..இன்னொரு பக்கம் அஞ்சலி செலுத்த ஆளனுப்பினால் என்ன நடக்குமோ அதுதான் வி.எஸ். பாபு என்னும் திமுக எம்.எல்.ஏவுக்கு நடந்தது.

சாலையெங்கும் மக்கள் வெள்ளம். ஆமாம் வெள்ளம்தான் அவனது உடலை எடுத்துச் செல்ல ஊர்வலம் புறப்பட்ட போது தென்னெழுச்சியாக ஐம்பதாயிரம் பேர் வரை திரண்டிருந்தார்கள்.மக்கள் மெழுகுவர்த்திகளை ஏந்தி அஞ்சலி செலுத்தினார்கள். வட இந்திய மார்வாடிப் பெண்கள் தண்ணீர் கொடுத்தார்கள். மலரஞ்சலி செலுத்தினார்கள். வழியெங்கும் உடல் நிறுத்தப்பட்டு மக்கள் அஞ்சலி செலுத்தினார்கள். அவர்கள் திமுக, அதிமுக, மதிமுக, சிறுத்தைகள், உள்ளிட்ட எந்தக் கட்சியைச் சேர்ந்தவர்களும் அல்ல. தமிழகத்தில் எழுந்துள்ள புதிய அலையை மக்கள் சக்தியாக மாற்றவோ, மக்களிடம் கொண்டு சேர்ந்து புதிய வழிகளில் போராடவோ தலைமை இல்லை என்பதை தமிழ் மக்களுக்கு பறைசாற்றியவன் முத்துக்குமார் அல்லவா? அந்த வேதனைதான் அங்கே பெருந்திரள் எழுச்சியானது. ஆனால் இந்த எழுச்சியை சிதைத்தவர்கள் யார்? முத்துக்குமாரை புதைத்தவர்கள் யார்?
திருமா அப்போது திமுகவோடு அனுசரணையோடு இருந்தார். ராமதாஸ் காங்கிரஸ் கூட்டணியில் பதவியை பங்கிட்டிருந்தார். வைகோ ஜெ வோடு இருந்தார். முத்துக்குமாரோ தன் மரணசாசனத்தில் சட்டக் கல்லூரி மாணவர்களும் வழக்கறிஞர்களும் தன் பிணத்தைக் கைப்பற்றி போராட்டத்தை கூர்மையாக்குங்கள் என்று கோரியிருந்தான். அப்பா எவ்வளவு துல்லியமான கணிப்பு இந்த ஓட்டுப் பொறுக்கிகளால் எதையுமே செய்ய முடியாது என்பதை தீர்க்கதரிசனமாய் புரிந்து கொண்டு வழக்கறிஞர்களையும் மாணவர்களையும் போராடத்தூண்டுங்கள் நான் என் பிணத்தைத் தந்திருக்கிறேன் என்கிற வீரம்.
ஆனால் முத்துக்குமாரின் பிணத்தை அன்றே புதைக்க நினைத்தவர்கள்தான் மேலே குறிப்பிட்டுள்ள அரசியல்வாதிகள். முத்துக்குமார் கடைசியான மருத்துவர் ராமதாசுக்குச் சொந்தமான பெண்ணே நீ இதழில் வேலை பார்த்தான். ஆனால் ராமதாசின் வேண்டு கோளுக்கிணங்க ஊடகங்களுக்கு தொலைபேசிய அவரது கைத்தடிகள் அவர் பெண்ணே நீ இதழில் வேலை செய்கிறார் என்ற செய்தியை வெளியிட வேண்டாம் என்று கேட்டுக் கொண்டார்கள். முத்துக்குமாரின் மரண சாசனத்தில் ஜெயலலிதாவின் சந்தர்ப்பவாத அரசிலை தோலுறுத்தி வரிகள் அங்கே வாசிக்கப்படுவதை வைகோ விரும்பவில்லை. கருணாநிதியின் வரிகள் வாசிக்கப்படுவதை திருமா விரும்பவில்லை, காங்கிரசின் யுத்தக் குற்றங்களையோ சோனியாவையோ விமர்சிப்பதை ராமதாஸ் விரும்பவில்லை. இப்படி முத்துக்குமாரின் மரணசாசனத்தை இருட்டடிப்பு செய்து விடலாம் என்று நினைத்தவர்கள்தான் முத்துக்குமாரின் உடல் கிடத்தப்பட்டிருந்த இடத்தில் கண்ணீர் நாடகங்களை அரங்கேற்றிக் கொண்டிருந்தார்கள்.
மாணவர்களும் வழக்கறிஞர்களும் வந்து மரணசாசனத்தைக் காட்டி பிரச்சனை செய்த பிறகுதான். பெயரளவுக்கு ஒதுங்கினார்கள் அரசியல் வாதிகள். ஆனால் பின்னாலிருந்து முத்துக்குமாரின் உறவினர்களை தூண்டி விட்டு மாணவர்களையும் வழக்கறிஞர்களையும் கட்டுப்படுத்தினார்கள். உதாரணத்திற்கு முத்துக்குமாரின் உடலை தமிழகம் முழுக்க கொண்டு செல்ல வேண்டும் என்ற வலுவான கோரிக்கை முன்வைக்கப்பட்ட போது அவரது உறவினர்கள் அதற்கு மறுத்து விட்டனர். காரணம் இந்த அரசியல்வாதிகள். ஊர்வலம் சென்று கொண்டிருந்த போதே இப்போராட்டம் பெரும் நெருப்பாய் மாறியது. அடுத்த சில மணிநேரங்களில் தமிழகத்தின் அனைத்து சட்டக் கல்லூரிகளையும் காலவரையறையற்று மூடியது கருணாநிதி அரசு.

ஊர்வலம் சுடுகாட்டை நெருங்கிய போது கல்லூரிகளை மூடிய செய்தி மாணவர்களுக்கு எட்டிய போது ஆக்ரோஷமடைந்த அவர்கள் முத்துக்குமாரின் உடலோடு சாலையிலேயே அமர்ந்தனர். உடலை திருப்பி கோபாலபுரத்தில் இருக்கும் கருணாநிதியின் வீட்டுக்குச் செல்வோம் என்று ஆக்ரோஷமாக கிளம்பினார். ஆனால் மாணவர்களைத் தாக்கி முத்துக்குமாரின் உடலை வேக வேகமாக சுடுகாட்டிற்குக் கொண்டு சென்றவர்கள் யார் தெரியுமா? இன்று ராஜபட்சேவுக்கு பொன்னாடை போர்த்தினார் அல்லவா? அந்த திருமாவளவனின் அடிப்பொடிகள்தான். சுடுகாட்டில் ஒரு மேடை அந்த மேடையில் முதல் ஆட்களாக இந்த ஓட்டுப் பொறுக்கித் துரோகிகள் ஏறி அமர்ந்து கொண்டனர், மாணவர்களும் வழக்கறிஞர்களும் வெறுத்துப் போய் கலைந்தனர்.
முத்துக்குமார் மூட்டிய தீயை ராமாதாசும், வைகோவும், திருமாவும், நெடுமாறனும் சேர்ந்தே நீரூற்றி அணைத்தனர். கருணாநிதியோ அதை மணம் மூடி புதைத்தார். முத்துக்குமார் இன்று ஒரு நினைவாக மட்டுமே வேதனை கலந்த நினைவாக மட்டுமே நம்மிடம் இருக்கிறான். ஆனால் அவன் மூட்டிய நெருப்பு அணைந்தும் அணையாமலும் இன்னமும் இருக்கத்தான் செய்கிறது.

ஈழத் தமிழர் போராட்டம் தொடர்பாக உங்களுக்கு தமிழகத் தலைவர்கள் ஒவ்வொருவர் மீதும் ஒரு அபிப்பிராயம் இருக்கும். பிடித்தவர், பிடிக்காதவர், வேண்டியவர்,. வேண்டாதவர், இப்படி…. ஆனால் நீங்கள் ஒன்றை கவனித்தீர்களா? கருணாநிதி ஈழ மக்களுக்கு துரோகம் செய்து விட்டார்? என் சொல்படி நடக்கும் ஆட்சியமைந்தால் தனி ஈழம் பெற்றுக் கொடுப்பேன் என்றார் ஜே. போரே நடக்கவில்லை என்றார் கருணாநிதி. கனரக ஆயுதங்கள் பயன்படுத்தவில்லை என்றார் கருணாநிதி. ஒருவர் பதவியை பெற வாக்குறுதிகளை வீசுகிறார். இன்னொருவர் பதவியைப் பெற பொய்யைச் சொல்கிறார். ராமதாஸ், வைகோ, திருமாவளவன் இவர்களுக்கும் இதே வகையாராக்கள்தான். நான் ஈழத்திற்காக போராடுவேன் நீங்கள் எனக்கு எம்.பி பதவியும் எம்.எல்.ஏ. பதவியும் தர வேண்டும். மக்கள் அம்மாதிரி வெற்றி எதையும் தராவிட்டால் ஈழத்தமிழனாவது மசுராவது……. அதாவது இந்த தமிழகத் தாய் என்ன சொல்கிறாள் தெரியுமா? நான் குழந்தைக்கு முலைப்பால் கொடுக்கிறேன். எனக்கு நீ தங்கச் சங்கிலும் பட்டுப் புடவையும் தரவேண்டும். ஆமாம் நண்பர்களே… இப்போது சொல்லுங்கள் உங்கள் மனங்களில் பத்து சிறந்த தமிழர்களை பட்டியலிட்டால் அதில் ஒரு இடத்தை முத்துக்குமாருக்கு ஒதுக்குவீர்களா