தமிழ்ப் பெண்.........

மகளிர்தின வாழ்த்துக்கள்.....

தமிழ்ப் பெண்......... !!!



கருவில் நீ பிழைத்தாய்..!!!
கருவிக்கு தடையென்பதால்...
கண்டுபிடிக்கவிடாமல் சுமந்தேன்
பத்துமாதம்...!!
கண் விழித்(தாய்) மண்ணில்
கள்ளிப்பால் காவுகேட்டது.....!
அரக்கக் கணியன் உன்னை பிழைக்க வைத்தான்
அடுத்துவரும் ஆண் வாரிசுக்காய்...

அறியாமை பிழைக்கவும் வைத்தது...!


கஞ்சிக்கே வழியில்லை
கல்வியென்றாய் –கடைசியில்
சத்துணவு சாதித்தது....

அறிவியலென்றாய்
அதிசயக்கதைகள் சொன்னாய்
படிப்பில் முதலென்றாய்
பரிசுகள் பெற்று வந்தாய்...
எனக்கு புரியவில்லை எதுவும்...


அறிவுச்சுடரே –
நீ ஆளப்பிறந்தவள் என்றேன்
நீ நாடேது என்றாய்....
என் கனவென்றேன் காதோரத்தில்....
ஆண்டுகள் கரைந்தோடின....
அடிமையாய் நான் இன்னும்
கனவுகளை சுமக்கிறேன்...




என் மகளே....
என் வரலாறு என்னோடு போகட்டும்
ஈழத்தில் பார்த்தாயோ???
அண்ணன் படையில் தங்கைகள்
அடிமை விலங்கை உடைத்தொரு
ஆளுமை செய்த ஆற்றலை....
களமாடிய கதையை...
புரட்சியேந்திய பூவையரை...
சாதனைக்கு சரித்திரம்
எழுதிய எம் பெண்ணினத்தை...!
இதே வேலை உனக்கும் காத்திருக்கின்றது...
துணிந்து செல்...!!!
துணிந்து செல்...!!!

என்வயிற்றில் பெண் பிறந்தால் கள்ளிப்பால்..!!
உன் வாழ்வில் எம் இனத்துக்கே கள்ளிப்பால்..!!

என் மகளே...!!
எங்கெங்கும் எம் இனத்துக்கே கள்ளிப்பால்....!!