தமிழ் புத்தாண்டு வாழ்த்து எல்லோரும் சொல்கிறார்கள்..பதிலுக்கு நானும் வாழ்த்து சொல்கிறேன். இந்த நேரத்தில் தமிழ்புத்தாண்டு தொடர்பான ஒரு சில செய்திகளை நாம் படித்து ஆகவேண்டும்.
உலகத்தில் புத்தாண்டுகளுக்கு சில அடிப்படையான காரணங்கள் இருக்கின்றன. அதில் வானியல் சார்ந்து சந்திரனின் சுழர்ச்சியை அடிப்படையாக கொண்ட புத்தாண்டு ஏப்ரல் மாதத்திலும் ,சூரியனின் சுழர்ச்சியை அடிப்படையாக்க் கொண்ட புத்தாண்டுகள் ஜனவரி மாத்திலும் வரும். இது தவிர கடவுள் படைத்தார்யென்றும் கடவுளின் பிறப்பு அடிபடையான புத்தாண்டுயென்றும் உண்டு. இதையும் தாண்டி பார்த்தால் புத்தாண்டு என்பது இனத்திற்கு நல்ல காரியங்கள் செய்து இனத்தை மேன்மையடையச் செய்தவர்களின் பிறந்தநாளை புத்தாண்டாக அந்த இனங்கள் ஏற்றுகொன்று கொண்டாடுகின்றன.
இப்போது நாம் கொண்டாடும் சித்திரை மாத பிறப்பு உண்மையில் நம் தமிழ் புத்தாண்டு இல்லை.இந்த புத்தாண்டு சாலிவாகனன் என்ற வட இந்திய மன்னனால் கி.பி 78ல் உருவாக்கப்பட்டது ஆகும். பிரபவ முதல் அட்சய வரையிலான 60 ஆண்டுகள் பெயரும் வடமொழியிலெயேதான் இருக்கின்றன. இந்த 60 ஆண்டுகளும் கடவுளின் குழந்தைகள் என்றும் சொல்லப்படுகிறது. இந்த குழ்ந்தைகள் கடவுளின் ஓரினசேர்க்கையால் பிறந்தவர்களாம்.இப்படி பல கதைகள் சொல்லப்பட்டாலும் நாம் இந்த சித்திரைமாதம் தமிழர்களின் புது ஆண்டு பிறப்பு என்பதை நிராகரிக்க முக்கிய காரணம், சித்திரை மாத பிறப்பை தமிழ் புத்தாண்டாக ஏற்றுக்கொண்ட பிறகு நமது வரலாறு 60 ஆண்டுகளுக்குள் முடக்கப்பட்டது. பல்லாயிரம் ஆண்டுகள் வாழ்ந்து நிலை பெற்ற தமிழ் இனத்தின் வரலாற்றை அழிக்கும் முயற்ச்சியே சித்திரை முதல் நாளில் தொடங்கும் தமிழ் புத்தாண்டு.
இந்த ஆண்டு முறையால் தமிழர் மொழி, மரபு, மானம், பண்பாடு, வாழ்வு ஆகியவற்றில் விளைந்த அழிவையும் இழிவையும் எண்ணிப்பார்த்த தமிழ் அறிஞர்கள், மறைமலை அடிகள் தலைமையில் பச்சையப்பன் கல்லூரியில் 1921.ம் ஆண்டு கூடி ஆராய்ந்து மாற்றாக உருவாக்கியதே திருவள்ளுவர் ஆண்டு .இந்த ஆண்டின் தொடக்கம் தை முதல் நாள் .ஆகவே தமிழ் புத்தாண்டும் தை முதல் நாளே. திருவள்ளுவர் கிறித்து பிறப்பதற்கு 31 ஆண்டுகள் முன்பு பிறந்தவர் என்று கணக்கிட்டு திருவள்ளுவர் ஆண்டு கொண்டாடப்படுகிறது. இந்த ஆண்டு 2041 (2010+31) ஆகும். சூரிய வழிபாடு ஒரு இயற்கை வழிபாடு. தொன்றுதொட்டும் வழக்கில் இருக்கும் ஒன்று.அகவே சூரியனை அடிப்படையாகக் கொண்ட வருடப்பிறப்பான திருவள்ளுவர் ஆண்டும் ஏற்றுக்கொள்ளக்கூடியதே.....
இதைத்தான் தமிழ் புத்தாண்டாக தமிழ் நாடு அரசும் கடைபிடித்து வருகிறது.இதைத்தவிற மாமன்னன் ராஜராஜன் பிறந்தநாளை அடிப்படையாகக் கொண்ட ஆண்டும் தமிழர்களிடம் பழக்கதில் இருந்து இருக்கிறது. தற்ப்போது தமிழ் ஈழ தேசியத்தலைவர் பிரபாகரன் அவர்களின் பிறந்த நாளை அடிப்படையாகக் கொண்ட ஆண்டும் சில அமைப்புகளால் பயன்படுத்தப்படுகிறது. எந்த ஆண்டு நிலை பெறும் என்பதை மக்கள் தீர்மானிப்பார்கள்.
ஆனால் கண்டிப்பாக இந்த பிரபவ முதல் அட்சய வரையிலான 60 ஆண்டுகள் தமிழர் ஆண்டுகள் இல்லை. ஒரு ஆண்டினை கார், கூதிர், முன்பனி, பின்பனி, இளவேனில்,முதுவேனில் என ஆறு பெரும்பொழுதாகவும், ஒரு நாளை வைகறை, சிறுபொழுது, நண்பகல், மாலை, ஏற்பாடு, யாமம் என ஆறு சிருபொழுதாகவும் பகுத்த தமிழர்கள் ஆண்டு பெயர்களை மட்டும் வடமொழியில் வைத்து இருக்கமாட்டார்கள். இது ஒரு ஆரிய சூழ்ச்சிதான். இந்த ஆரிய சூழ்ச்சியை புரிந்துகொண்டு நாம் தமிழர் பண்பாட்டையும் மரபையும் மீட்டெடுக்க வேண்டும்.
ஆரியத்திற்கும் நமக்குமான பகை நீண்டு கொண்டே இருக்கிறது. தற்போது ஈழ விடுதலைப்போரிலும் ஆரியம்தான் இந்திய அரசின் பின் நின்று இயக்கியது. நாம் இவற்றை இனம் கண்டு நமது வேர்களை காக்கவேண்டும்.அதுவே நம் இனத்தின் தூய்மைக்கும் மேன்மைக்கும் நல்லதாகும்...........
